ضلع گیا میں وزیر اعلی نتیش کمار کی آمد کو لے کر تیاریاں کی جارہی ہیں، ضلع مجسٹریٹ ابھشیک کمار سنگھ اور ایس ایس پی راجیومشرا نے مختلف بلاکوں میں وزیراعلی کا پروگرام بھی ہونا ہے راجیو مشرا نے ان علاقوں کا ترقیاتی کاموں سمیت حفاظتی بندوبست کاجائزہ لیا۔
وزیراعلی نتیش کمار گیا دورے کے دوران بودھ گیا میں قیام کریں گے اور یہیں کابینہ کی میٹنگ ہوگی ۔
وزیراعلی کے تین روزہ دورہ کاشیڈول ابھی نہیں بتایاگیا ہے تاہم ذرائع سے ملی اطلاعات کے مطابق کہاجارہاہے کہ وزیراعلی نتیش کمار گیا کے گاندھی میدان میں جلسہ عام سے بھی خطاب کریں گے اور ساتھ ہی یہاں سے کئی منصوبوں کاافتتاح کریں گے اورسنگ بنیادرکھیں گے۔
ضلع مجسٹریٹ اور ایس ایس پی نے گاندھی میدان پہنچ کر جائزہ لیا ہے، اور سیکیورٹی انتظامات کا جائزہ لیابتایا جا رہا ہے کہ وزیر اعلی نتیش کمار کلکٹریٹ کمشنری سطح کی جائزہ میٹنگ بھی کریں گے جس کی وجہ سے کلکٹریٹ کے رنگ وروغن کا بھی کام تیزی سے کیا جارہاہے۔
ضلع مجسٹریٹ ابھشیک کمارسنگھ نے بتایا کہ 'جل جیون ہریالی' کے تحت ضلع میں وزیراعلی نتیش کمار کادورہ ہورہاہے، گیا کے مانپور ، ڈوبھی، آبگلہ اور مہڑا بلاک کو اسپاٹ بنایا گیا ہے جہاں وزیراعلی جائزہ لیں گے۔
