عالمی وبا کورونا وائرس کے اثرات کو پھیلنے سے روکنے کے لیے ملک میں لاک ڈاؤن جیسا مشکل فیصلہ کیا گیا جسکی وجہ سے ملک میں معاشی بحران کے ساتھ ساتھ دیگر مشکلات بھی پیش آسکتی ہیں لیکن لاک ڈاؤن کے ہی سبب ملک میں فضائی آلودگی کے ساتھ ساتھ کچھ مثبت اثرات بھی پڑے ہیں۔
خاص طور سے لاک ڈاؤن کا ماحولیات پر کافی اچھا اثر دیکھا جارہا ہے جس کی وجہ سے ریاست چھارکھنڈ کے شہر دیوگھر کے نواحی علاقوں میں پرندوں کی بہت ساری ناپید قسمیں نظر آرہی ہیں۔
ریاست چھارکھنڈ میں دیوگھر ایک ایسا علاقہ ہے جو پہاڑوں اور جنگلات کے قدرتی مناظر سے گھرا ہوا ہے، یہاں بہت سارے نباتات اور خوشگوار آب و ہوا کی وجہ سے متعدد اقسام کے پرندے مختلف مقامات سے دیوگھر کے قدرتی مناظر میں پناہ لینے آتے ہیں۔
پرندوں کے ماہرین کے مطابق دنیا میں پرندوں کو 27 اقسام میں تقسیم کیا گیا ہے، جن میں سے 20 اقسام کے پرندے بھارت میں پائے جاتے ہیں۔
تاہم پرندوں کی ان میں سے زیادہ تر اقسام فضائی آلودگی اور آب و ہوا کی تبدیلی کی وجہ سے آہستہ آہستہ ختم ہو رہے تھے لیکن لاک ڈاؤن کے دوران ماحولیات میں خوشگوار تبدیلیوں انھیں دوبارہ زندگی دے دی ہے جس کی وجہ سے مختلف اقسام کے پرندے نظر آرہے ہیں۔اس بدلتے ماحولیات میں دیوگھر کے اطراف میں دکھائی دینے والی نادر اقسام کے پرندوں سے اچھے اشارے مل رہے ہیں۔
ضلعی انتظامیہ نے بھی دیوگھر میں آئے رنگین، انوکھے اور نایاب پرندوں کے تحفظ کے لیے دلچسپی کا مظاہرہ کررہی ہے۔اس کے لیے محکمہ جنگلات سے ہم آہنگی قائم کرکے وائلڈ لائف کے تحفظ اور فروغ دینے کی بات کی جارہی ہے۔
