'شاہین باغ کی خواتین ملک کی حفاظت کر رہی ہیں'

دہلی اسمبلی انتخابات کے اعلان کے بعد سے مسلسل اشتعال انگیز بیانات کا دور جاری ہے، جس کی وجہ سے دہلی میں ماحول خراب کیا جا رہا ہے۔

دہلی پردیش کانگریس کمیٹی کے صدر سبھاش چوپڑا نے بھارتیہ جنتا پارٹی کی نیت پر تنقید کرتے ہوئے کہا کہ آج شاہین باغ میں بیٹھی خواتین کو ڈرانے دھمکانے کی کوشش کی جا رہی ہے۔

دہلی کی عوام کے درمیان نفرت کی سیاست کی جا رہی ہے، ایسے میں جو حالات نظر آ رہے ہیں اس سے یہ صاف ظاہر ہے کہ آئندہ انتخابات سے قبل عوام کو تقسیم کیا جا رہا ہے۔اسی سے متعلق آج دہلی پردیش کانگریس کمیٹی کے صدر سبھاش چوپڑا نے ایک پریس کانفرنس کے دوران کہا کہ شاہین باغ میں بیٹھی خواتین ہمارا مان ہیں۔ وہ آج ہمارے بچوں کے لیے سڑکوں پر اتری ہیں، میں ان کی اس ہمت کو سلام کرتا ہوں۔انہوں نے مزید کہا کہ لوگ کہتے ہیں کہ شاہین باغ کی خواتین نے راستہ روکا ہوا ہے لیکن میں انہیں بتانا چاہتا ہوں یہ وہ خواتین ہیں ہمیشہ پردہ میں رہا کرتی تھی آج وہ ملک کے لیے سڑکوں پر اتریں ہیں۔