وسیم رضوی کا الزام ہے کہ کلب جواد نے دہلی کے جورباغ میں جس اسلامک یونیورسٹی کا افتتاح کیا ہے وہ زمین قبرستان کے نام سے رجسٹرڈ ہے۔ انہوں نے سوال کیا کہ کیا اس یونیورسٹی کے لیے ایران نے مالی مدد کی ہے؟
انہوں نے کہا کہ اس یونیورسٹی کا افتتاح پوری طرح سے غیر قانونی ہے۔ انہوں نے کہا کہ سپریم کورٹ نے ہدایت دی ہے کہ قبرستان کی زمین پر کسی بھی طرح کی تعمیر نہیں ہو سکتی۔
انہوں نے مزید کہا کہ ایران حکومت کی پالیسی مسلم معاملوں میں بھارتی حکومت کے برعکس ہے۔ انہوں نے کہا کہ دہلی میں ایک مسلم یونیورسٹی کا کھولا جانا مشتبہ ہے۔
انہوں نے متنازع بیان دیتے ہوئے کہا کہ 'اسلامک یونیورسٹی بھارت میں کبھی بھی دہشت گردی کا مرکز بن سکتی ہے'۔
وسیم رضوی نے کہا کہ انہوں نے مرکزی وزیر داخلہ امت شاہ کو خط لکھ کر اس پر اعتراض ظاہر کیا ہے۔ انہوں نے امت شاہ سے مطالبہ کیا ہے کہ وہ اس طرح کے اقدامات کی جانچ کریں کہ اس کے پیچھے کون سی بیرونی طاقت کارفرما ہے اور اس میں کون سے لوگ شامل ہیں، کی جانچ کی جانی چاہیے۔
