دہلی وقف بورڈ نے اپنے ملازمین سمیت انجینیئرز کی ایک ٹیم کے ساتھ شاہی مسجد فتح پوری کا معائنہ کیا۔ مذکورہ ٹیم نے مسجد فتحپوری کے ان مقامات کی نشاندہی کی جہاں مرمت اور تزئین کاری کی اشد ضرورت ہے۔
خیال رہے کہ گذشتہ 25 برسوں سے بڑے پیمانے پر مسجد کی مرمت اور تزئین کاری کا کام نہیں ہوا تھا۔ اس سلسلے میں شاہی مسجد فتحپوری کے امام مفتی مکرم احمد نے مسجد کی خستہ حالی کی شکایت دہلی وقف بورڈ، سینٹرل وقف، اقلیتی کمیشن، مرکزی حکومت، دہلی حکومت اور آثار قدیمہ سے کی تھی، ان ساری شکایتوں کے باوجود کسی کان میں جو تک نہیں کرے گی۔ اور 25 برس بعد اب دہلی وقف بورڈ تزئین کاری اور مرمت کا کام کرنے کے لیے انجینئروں کی ایک ٹیم کو مسجد کا معائنہ کرنے کے لیے بھیجا۔
واضح رہے کہ گذشتہ دنوں مدرسہ عالیہ مسجد فتحپوری کے اساتذہ و طلبا نے ایک تقریب کا اہتمام کیا تھا جس میں کثیر تعداد میں مدرسہ اساتذہ کے علاوہ مساجد کے ائمہ نے شرکت تھی۔
اس موقعے پر رکن اسمبلی امانت اللہ خان نے مسجد فتحپوری کی ترقی کے لیے اہم اعلانات کیے تھے، انہوں نے کہا تھا کہ مسجد کی تزئین کاری ان کی شایان شان کی جائے گی اس کے لیے چاہئے جو بھی خرچ آئے وقف بورڈ اسے برداشت کرے گا خواہ وہ رقم کروڑوں میں ہی کیوں نہ ہو۔
اس موقعے پر انہوں نے وقف بورڈ کی کارکردگی کے تعلق سے بھی اپنے تاثرات کا اظہار کیا تھا۔
