دہلی کے وزیر اعلی اروند کیجریوال نے پریس کانفرنس میں کہا کہ حکومت کی ہمیشہ یہ کوشش رہی ہے کہ دارالحکومت میں سڑکیں شاندار ہوں۔
ہر برس مان سون کے بعد سڑکوں کی حالت خراب ہو جاتی ہے اسی وجہ سے حکومت نے اس مرتبہ ایک مختلف طریقہ اختیار کیا ہے۔
وزیر اعلی اروند کیجریوال نے کہا کہ دہلی کے 50 ایم ایل اے ہفتے کے روز پی ڈبلیو ڈی کے عہدیداروں کے ساتھ سڑکوں پر جائنگے تاکہ وہ گڑھا اور موجودہ صورتحال کا معائنہ کرسکیں۔
محکمہ تعمیرات کے تحت 1260 کلومیٹر سڑکیں آتی ہیں اسی وجہ سے حکومت نے معائنہ کے لیے 50 ایم ایل اے کو 25 کلومیٹر سڑکیں دی ہیں۔
ہفتے کے روز وہ سڑکوں کی حالت کو دیکھنے کے لیے محکمہ تعمیرات عامہ کے عہدیداروں کے ساتھ 25 کلومیٹر کا سفر طے کریں گے اور جہاں بھی اسے گڑھا یا خراب حالت نظر آئے گی وہ موبائل ایپ کے ذریعہ محکمہ تعمیرات کو اطلاع کرینگے۔
جس کے بعد ان خراب سڑکوں کو فوری طور پر ٹھیک کرنے کے لیے محکمہ فوری کاروائی کرے گا۔
کجریوال نے مزید کہا کہ اس سے پہلے بھی حکومت سڑکوں کو ٹھیک کرنے کے لیے فوری کاروائی کرتی رہی ہے۔
لیکن اراکین اسمبلی کے تعاون اور ان کی نگرانی کو شامل کرنے کی وجہ سے موقع پر موجود تمام پریشانی دور ہوجائیں گی۔
