دہلی ہائی کورٹ نے اروند کیجریوال حکومت کو کورونا وبا کے سبب لاک ڈاؤن کی مار سے پریشان دہلی کے کرایہ داروں کا مکان کرایہ دینے کی پالیسی تیار کرنے کے لیے جمعہ کے روز مزید دو ہفتے کی مہلت دی۔
وزیر اعلیٰ اروند کیجریوال نے کورونا کے دوران گزشتہ برس نافذ لاک ڈاؤن کے دوران کرایہ دینے میں نااہل غریبوں کا کرایہ حکومت کی جانب سے دینے کا اعلان کیا تھا۔ دہلی ہائی کورٹ نے ایک عرضی کی شنوائی کے بعد اس اعلان پر عمل کرنے کا حکم جولائی میں دہلی حکومت کو دیا تھا۔
جسٹس ریکھا پلّی کی بینچ نے دہلی ہائی کورٹ کے 22 جولائی کے اس فیصلے کو متعین کرکے چھ ہفتے میں نافذ کرنے سے متعلق ایک عرضی کی شنوائی کے دوران دونوں فریق کی دلیل سننے کے بعد حکومت کو یہ راحت دی۔
دہلی حکومت کی جانب سے پیش وکیل گورو جین نے جسٹس ریکھا پلّی سے کہا کہ فیصلے کو چھ ہفتے میں نافذ کرنے کی متعینہ مدت دو ستمبر کو ختم ہو گئی لیکن اس سمت میں دہلی حکومت کی جانب سے کوئی قدم نہیں اٹھایا ہے۔ انہوں نے کہا کہ کرایہ کی ادائیگی کے سلسلے میں کوئی واضح پالیسی کے بغیر عدالت کے فیصلے پر عمل کیسے کیا جا سکتا ہے۔
مزید پڑھیں: دہلی میں بارش کی پیشن گوئی
عرضی گزاروں کے وکیل نے 22 جولائی کے جسٹس پرتیبھا ایم سنگھ کے فیصلے کا حوالہ دیا، جس میں کیجریوال کے پریس کانفرنس کیے گئے اعلان اور وعدے کو قانونی طور پر نافذ کرنے کے لیے مستحق مانتے ہوئے حکومت کو اس پر عمل کرنے کا حکم دیا تھا۔
مزید پڑھیں؛اسپیشل افراد اور کھلاڑیوں کے لئے 'سوئم' کی مثبت پہل
غور طلب ہے کہ کورونا کے سبب ملک کے دیگر علاقوں کے ساتھ ساتھ قومی دارالحکومت دہلی میں بھی لاک ڈاؤن نافذ کیا گیا تھا۔ اس وجہ سے آئی معاشی کساد بازاری کے سبب بڑی تعداد میں عوام کے سامنے روزی-روزگار کا بحران پیدا ہو گیا تھا۔ ایسے لوگوں کے زخموں پر مرہم لگانے کے لیے کیجریوال نے 29 مارچ 2020 کو ایک پریس کانفرنس منعقد کی تھی جس میں انہوں نے کہا تھا کہ جو کرایہ دار غریبی کے سبب تھوڑا-بہت کرایہ نہیں دے پائیں گے، ان کی جانب سے دہلی حکومت مکان مالک کو کرایہ دے گی۔
انہوں نے مکان مالکان سے اپیل کرتے ہوئے کہا تھا کہ وہ کرایہ داروں سے سختی نہ برتیں۔ ساتھ ہی انہوں نے اس پر عمل نہ کرنے والے مکان مالکوں پر قانونی کارروائی کی بات بھی کی تھی۔
