طاہر حسین نے الزامات کی تردید کی

دہلی میں ہوئے تشدد کے بعد ایک ویڈیو سامنے آیا ہے جس میں مبینہ طور پر یہ بتایا گیا کہ پیٹرول بم اور پتھر جس مکان کی چھت پر نظر آ رہا ہے۔ اس کے مالک عام آدمی پارٹی کے رکن اور کونسلر طاہر حسین ہیں۔

طاہر حسین نے کہا کہ 'احتجاج آج سے نہیں جاری ہے بلکہ کئی روز سے جاری ہے جبکہ یہ تشدد کے واقعات کپل مشرا کے بیانات کے بعد رونما ہوئے ہیں۔'

انہوں نے مزید کہا کہ ان کی وزیر اعلی کیجریوال سے کسی طرح کی کوئی بات نہیں ہوئی ہے لیکن رکن پارلیمان سنجے سنگھ سے فون کر کے کئی بار کہا کہ یہاں کا ماحول خراب ہو رہا ہے۔ جلد سے جلد فورس بھیج دیجیے۔ تب جا کر انہوں نے وہاں سے فورس بھجوائی اور معاملہ 7 ۔ 8 بجے تک قابو میں آیا۔'

انہوں نے کہا کہ 'دہلی پولیس کے اعلی اہلکار اے کے سنہا اور مقامی لوگوں کی نگرانی میں، میں نے اپنے پورے گھر اور چھت کی تلاشی کروائی۔ گھر میں کسی طرح کی کوئی بھی چیز برآمد نہیں ہوئی۔'

انہوں نے اپنے اوپر لگائے گئے تمام الزامات کو بے بنیاد بتایا۔