یاد رہے گزشتہ برس 17 فروری کو آفتاب احمد کے والد چودھری خورشید احمد کی وفات ہو گئی تھی۔انہی کی تعزیت میں یہ عظیم الشان اور تاریخی جلسہ کا انعقاد کیا گیا۔
چودھری آفتاب احمد نے پگڑی بندھنے کے بعد لوگوں کو خطاب کرتے ہوئے کہا کہ جس طرح آج ہزاروں افراد آئے اور میرے والد کو خراج عقیدت پیش کیا ، اس سے یہ ظاہر ہوتا ہے کہ لوگوں کو ان کے ساتھ کتنا پیار تھا۔ چودھری صاحب نے مزید کہا کہ وہ ہمیشہ اپنے والد بزرگوار کے نقش قدم پر چل کر سماج کی خدمت کریں گے۔ نوح کے ایم ایل اے چودھری آفتاب احمد نے کہا کہ جس طرح سے 36 ، برادری کے 12 ، 52 پال کے عوام نے انہیں معاشرے اور خطے کی ذمہ داری سونپی ہے ، وہ اس کو ہر حالت میں نبھائیں گے ، چاہے اُنہیں کچھ بھی قربانی دینی پڑے۔ جو تاج سماج کے لوگوں نے انہیں دیا ہے وہ ہمیشہ اس کا احترام کریں گے اور لوگوں کی امیدوں کو کبھی کمزور نہیں ہونے دیں گے۔
اس ذمہ داری اور علاقے کی نمائندگی کرنے والی پگڑی کو کبھی بھی جھکنے نہیں دیں گے۔ پوری 36 برادریوں کا خیال اپنی فیملی کی طرح رکھیں گے۔ سب مل کر ایک ساتھ چلیں گے ، چاہے صورت حال کتنی ہی مشکل ہی کیوں نہ ہو ، ہمیں ہر حال میں جیتنا ہے۔
چودھری آفتاب احمد نے اعلان کیا کہ وہ میوات میں خدمات جاری رکھیں گے اور بڑی تعلیمی اداروں کے قیام کو یقینی بنائیں گے۔ وہ اپنے والد کی یاد میں تعلیمی و تربیتی کاموں کو آگے بڑھائیں گے۔ انہوں نے عوام سے اپیل کی ہے کہ وہ نفرت پھیلانے والی طاقتوں سے لڑتے رہیں۔
چودھری آفتاب احمد نے کہا کہ ویسے لوگوں نے انہیں اپنا سیاسی نمائندہ بنا کر انہیں عزت اور ذمہ داری دے رکھی تھی ، جسکو وہ پوری ذمےداری سے ادا کررہے تھے ، لیکن آج 36 برادری نے انہیں جو ذمہ داری سونپی ہے اس ذمہ داری کی پگڑی کو وہ ہر قربانی دے کر بھی پورا کریں گے۔ اس علاقے کے لوگوں نے جو خواب دیکھے تھے ، وہ انہیں پورا کرنے کی کوشش کریں گے جس طرح ان کے والد نے کیا تھا۔ وہ علاقے کا فخر اور یہاں کے لوگوں کا اعتماد کبھی نہیں جھکنے دیں گے اور نہ ہی کسی کو تکلیف پہنچنے دیں گے۔
اس عرصے کے دوران ، 36 برادریوں کے 12 ، 52 پال کے ذمےدار، سماجی افراد ، علماء ، سابق وزیر اعلی بھوپندر سنگھ ہڈا ، پی سی سی صدر کماری شیلجا ، سابق مرکزی وزیر چودھری بریندر سنگھ ، ریاستی کانگریس انچارج ویوک بنسل ، اتراکھنڈ کانگریس کے انچارج دیویندر یادو ، ممبران اسمبلی میں محمد الیاس ، ممن خان انجینئر ، کلدیپ وتس ، نیرج شرما ، سریندر پوار ، واجب علی ، سنجے سنگھ ، دھرم سنگھ چھوکر ، راؤ دان سنگھ ، سریندر پوار وغیرہ موجود رہے
اور سابق ممبران اسمبلی میں ، راؤ دھرمپال سنگھ ، رگھوویر سنگھ تیوتیا ، راؤ نریندر سنگھ ، آزاد محمد ، شہیدا خان ، کیپٹن اجے یادو ، نسیم احمد ، غفار قریشی ، چودھری اسرائیل کوٹ ، سبحان خان ، شمس الدین شمس دھوج ، پنڈت جتیندر سوہنا ، ابراہیم انجینئر سمیت ہزاروں افراد شامل تھے۔
