نوئیڈا: ڈی ایم نوئیڈا کے میڈل جیتنے پر سماجوادی کارکنان میں جشن

تمام اہل وطن کے لیے قابل فخر لمحہ ہے کہ گوتم بدھ نگر ضلع مجسٹریٹ سوہاس ایل وائی نے چاندی کا تمغہ جیت کر ملک اور ریاست کا نام روشن کیا ہے۔

ٹوکیو پیرالمپک میں اتر پردیش کے نوئیڈا کے ڈی ایم کے چاندی کا میڈل جیتنے پر سیکٹر 31 میں سماج وادی پارٹی کے کارکنوں نے ایک دوسرے کو مٹھائی کھلاکر خوشی کا اظہار کیا۔

نوئیڈا: ڈی ایم نوئیڈا کے میڈل جیتنے پر سماجوادی کارکنان میں جشن

اس موقع پر سابق ترجمان راگھویندر دوبے نے کہا کہ یہ تمام اہل وطن کے لیے قابل فخر لمحہ ہے کہ گوتم بدھ نگر ضلع مجسٹریٹ سوہاس ایل وائی نے چاندی کا تمغہ جیت کر ملک اور ریاست کا نام روشن کیا ہے۔ وہ دنیا کے پہلے آئی اے ایس افسر ہیں جنہوں نے ایسی منفرد کامیابی حاصل کی۔ ہمیں اس پر فخر ہے اور خدا سے دعا ہے کہ وہ اس طرح ملک کا نام روشن کرتے رہیں۔

اس موقع پر ایس پی لیڈر ارجن پرجاپتی نے کہا کہ ہمارے ضلع مجسٹریٹ نے چاندی کا تمغہ جیت کر ہمارا سر فخر سے بلند کیا ہے۔
اس موقع پر ایس پی لیڈر ارجن پرجاپتی ، ببلو چوہان ، بابو پردھان ، پرتاپ ، سمیر خان ، روی راگھو ، سشیل پال ، سون پال ، کوشل سمیت تمام کارکنان موجود تھے۔