عدالت نے کہا کہ وہ آرٹیکل 32 کے تحت اس طرح کی درخواستوں کی حوصلہ شکنی کرنا چاہتی ہے۔ چیف جسٹس شرد اروند بوبڑے کی صدارت والی بنچ نے صحافی کی ضمانت کے لیے کیرالا ورکنگ جرنلسٹ ایسوسی ایشن کی جانب سے دائر درخواست پر سماعت کرتے ہوئے اترپردیش حکومت سے تفصیلی جواب داخل کرنے کو کہا۔
جج بوبڑے نے سماعت کے دوران درخواست گزار کی جانب سے پیش سینئر وکیل کپل سبل سے کہا کہ درخواست گزار ہائی کورٹ کیوں نہیں جارہا ہے۔ گرچہ چیف جسٹس نے مسٹر سبل کے دلائل سننے کے بعد ریاستی حکومت کو نوٹس جاری کیا، لیکن انہوں نے معاملے کو ہائی کورٹ بھیجنے کے اشارے دیے۔ جج بوبڑے نے کہا، آرٹیکل 32 کے تحت دائر پی آئی ایل کی ہم حوصلہ شکنی کرنا چاہتے ہیں۔
مسٹر سبل نے کہا کہ درخواست گزارکے اہل خانہ کو نہ تو اس سے جیل میں ملنے دیا جارہا ہے، نہ کسی وکیل کو ہی وہاں تک پہنچنے دیا جارہا ہے۔ اس کے بعد جج بوبڑے نے نوٹس جاری کرتے ہوئے معاملہ کی سماعت کے لیے جمعہ کی تاریخ مقرر کی۔
