مسٹر گاندھی نے اپنے فیس بک پیج پر لکھا،’’عوامی رہنم اور مردآہن سردار ولبھ بھائی پٹیل کے یوم پیدائش پر انہیں سلام،ملک کےلئے ان کی قابل قدر خدمات کےلئے ہم سب ان کے احسان مند ہیں۔‘
پارٹی کی رہنما پرینکا گاندھی واڈرا نے بھی سردار پٹیل کو خراج عقیدت پیش کیا اور راشٹریہ سویم سیوک سنگھ اور بھارتیہ جنتا پارٹی پر حملے کئے انہوں نے ٹویٹ کیا،’’سردار پٹیل کانگریس کے عظیم رہنما تھے جنہوں نے کانگریس کے نظریے کے تئیں خود کو وقف کردیا تھا۔وہ جواہر لال نہرو کے قریبی ساتھی تھے اور راشٹریہ سویم سیوک سنگھ کے سخت خلاف تھے۔
آج بی جےپی کے ذریعہ انہیں اپنانے کی کوششیں کرتے ہوئے اور انہیں خراج عقیدت پیش کرتے ہوئے دیکھ کر بہت خوشی ہوتی ہے کیونکہ بی جےپی کے اس قدم سے دو چیزیں واضح ہوتی ہیں۔ پہلی ،ان کا اپنا کوئی مجاہد آزادی نہیں ہے۔تقریباً سبھی کانگریس سے منسلک تھے اور دوسری بات سردار پٹیل جیسی عظیم شخصیت کو ایک نہ ایک دن ان کے دشمنوں کو بھی سلام کرنا پڑتا ہے۔‘‘
