راہل کا چین کے تعلق سے مودی پر طنز

کانگریس کے سابق صدر راہل گاندھی نے وزیراعظم نریندرمودی کو نشانے پر لیتے ہوئے جمعہ کو کہا کہ ملک کے فوجی چین سے مقابلہ کرنے کے لیے کڑاکے کی سردی میں خیموں میں رہ کر ملک کی حفاظت میں مصروف ہیں اور نریندر مودی چین کا نام تک لینے سے کتراتے ہیں۔

راہل گاندھی نے طنزیہ انداز میں کہا کہ ایک جانب بھارتی فوجی شدید سردی میں چین کا ڈٹ کر مقابلہ کر رہے ہیں اور دوسری طرف مسٹر مودی کروڑوں کے جہاز میں گھومتے ہیں لیکن چین کا نام تک نہیں لے پاتے۔ انہوں نے پوچھا کہ یہی اچھے دن ہیں۔؟

راہل گاندھی کا ٹویٹ

مسٹر گاندھی نے ٹویٹ کیا’’ملک کے جوان شدید سردی میں عام خیمہ میں گزاراکرتے ہوئے بھی چین کے حملے کا ڈٹ کر مقابلہ کرتے ہیں۔جبکہ ملک کے وزیراعظم 8400 کروڑ روپے کے ہوائی جہازمیں گھومتے ہیں اور چین کا نام تک لینے سے ڈرتے ہیں۔کسے ملے اچھے دن۔؟