دہلی جل بورڈ کے کام میں کوئی پیش رفت نہیں

مکربہ چوک سے وزیر آباد تک رنگ روڈ پر دہلی جل بورڈ کی جانب سے کام میں کسی بھی قسم کی کوئی پیش رفت نہ ہونے کی وجہ سے مسافروں کو شدید پریشانیوں سے دوچار ہونا پڑ رہا ہے۔

دارالحکومت دہلی کے مکربہ چوک سے وزیر آباد تک رنگ روڈ پر جل بورڈ کے کام میں کسی طرح کی کوئی پیش رفت نہ ہونے کی وجہ سے مسافروں کو شدید پریشانیوں سے دوچار ہونا پڑ رہا ہے۔

واضح رہے کہ آوٹر رنگ روڈ پر ٹریفک کو کم کرنے کے لیے مکربہ چوک سے وزیر آباد تک 100 فٹ کی سڑک پہلے ہی مکمل ہوچکی ہے، دہلی جل بورڈ کا گذشتہ کئی برسوں سے براڑی اتھارٹی کے قریب کسی نہ کسی حصے میں کام جاری رکھے ہوئے ہے۔

مقامی لوگوں کا کہنا ہے کہ اس کام کو 6 ماہ سے ایک برس کے درمیان مکمل ہو جانا چاہیے تھا لیکن گزشتہ 2 سے 3 برسوں میں معمولی سی پیش رفت ہوئی ہے۔ لوگوں نے مقامی رکن اسمبلی سے درخواست کی ہے کہ وہ دہلی جل بورڈ کو اس کا کام یاد دلائیں تاکہ بلا رکاوٹ راستہ پر آمد و رفت شروع ہو سکے۔

سڑک پر کام کی وجہ سے دہلی جل بورڈ نے بڑے بڑے ہورڈنگ لگا کر سڑک کی ایک سمت کو بند کردینے سے سڑک کی ایک سمت سے دونوں جانب کی گاڑیوں کی آمد و رفت کی وجہ سے اکثر و بیشتر ٹریفک کی صورتحال پیدا ہو جاتی ہے۔