مردوں کے سیکشن کے فائنل میں شیام لال کالج اور سری گرو تیغ بہادر خالصہ کالج کے مابین نویں پدم شری شیام لال میموریل انویٹیشنل ہاکی ٹورنامنٹ کے فائنل میں زبردست مقابلہ دیکھنے کو ملا۔
دونوں ٹیمز نے شاندار کھیل کا مظاہرہ کیا اور ایک دوسرے کے خلاف جم کر حملے کیے۔ مقرر وقت تک دونوں ٹیمیں دو، دو گول کرنے میں کامیاب رہیں، جس کے بعد ٹائی بریکر میں بھی اسکور 3، 3 سے برابری رہا۔
اس ٹورنومنٹ میں سڈن ڈیتھ میں ارون کے گول سے میزبان شیام لال کالج کی ٹیم ایک برس کے وقفے کے بعد ایک بار پھر چیمپئن بن گئی۔
شیام لال کالج کی گورننگ کونسل کی چیئرپرسن مسز سوویتا گپتا اور پرنسپل ڈاکٹر ربی نارائن کر نے فاتح اور رنر اپ ٹیمز کو ٹرافی پیش کی۔
دونوں نے اسسٹنٹ پروفیسر وی ایس جگی کی کاوشوں کو سراہا، جن کی بدولت اس شاندار ٹورنامنٹ کا انعقاد عمل میں آیا۔
اس موقع پر پرنسپل اور جگی نے تقریب سے وابستہ تمام افراد اور میڈیا کا خصوصی شکریہ ادا کیا۔
