درخواست میں کہا گیا ہے کہ کسی بھی مجرم کی کوئی درخواست زیر التواء نہیں ہے۔ تمام مجرموں نے اپنے تمام قانونی آپشنز آزمائے ہیں۔ لہذا عدالت کو اب چاروں مجرموں کے خلاف نیا ڈیتھ وارنٹ جاری کرنا چاہیے۔
غور طلب ہے کہ 2 مارچ کو عدالت نے 3 مارچ کو نربھیا اجتماعی زیادتی کے مجرموں کو پھانسی دینے کے حکم پر روک لگا دی تھی۔
صدر جمہوریہ کے پاس رحم کی درخواست زیر التوا ہونے کے باعث عدالت نے مجرم پون گپتا کی پھانسی پر روک لگائی تھی۔ 2 مارچ کو سپریم کورٹ نے پون گپتا کی کیوریٹیو درخواست خارج کردی۔ اس کے فورا بعد ہی 2 مارچ کو پون گپتا نے صدر کے پاس رحم کی درخواست دائر کردی۔
گزشتہ 17 فروری کو پٹیالہ ہاؤس کورٹ نے نربھیا کے مجرموں کے خلاف ڈیتھ وارنٹ جاری کیا تھا۔ ایڈیشنل سیشن جج دھرمیندر رانا نے 3 مارچ کو صبح 6 بجے پھانسی دینے کا بھی حکم جاری کیا۔
گزشتہ 28 فروری کو پون گپتا نے سپریم کورٹ میں کیوریٹیو درخواست دائر کی تھی جس میں مطالبہ کیا گیا تھا کہ سزائے موت کو عمر قید میں تبدیل کیا جائے ، جسے سپریم کورٹ نے مسترد کردیا۔
