نوئیڈا: نور کمیونیکیشن شو روم کا شٹر توڑ کر لاکھوں کے موبائل چوری

چور اتنے چالاک تھے کہ دکان کے باہر نصب سی سی ٹی وی کیمرہ اور ڈی وی آر بھی اکھاڑ کر لے گئے۔ آس پاس کے لوگوں سے اطلاع ملنے پر موقع پر پہنچے دکاندار نے پولیس کو اطلاع دی۔ پولیس دیوالی میں بھی سورہی تھی۔ بھرے بازار میں گھنٹوں لوٹ پاٹ کی گئی۔ اسے علم بھی نہیں ہوا۔

دیوالی کی رات اتر پردیش گریٹر نوئیڈا کے کوتوالی سورج پور علاقہ میں واقع معروف شو روم نور کمیونیکیشن (موبائل فون کی دکان )کا شٹر کاٹ کر چوروں نے لاکھوں روپے مالیت کے موبائل چوری کرلیے۔ جب کہ بعض اسے ایک کروڑ سے بھی زیادہ مالیت کے موبائل چوری ہونے کی بھی بات کررہے ہیں۔ چور اتنے چالاک تھے کہ دکان کے باہر نصب سی سی ٹی وی کیمرہ اور ڈی وی آر بھی اکھاڑ کر لے گئے۔ آس پاس کے لوگوں سے اطلاع ملنے پر موقع پر پہنچے دکاندار نے پولیس کو اطلاع دی۔ پولیس دیوالی میں بھی سورہی تھی۔ بھرے بازار میں گھنٹوں لوٹ پاٹ کی گئی۔ اسے علم بھی نہیں ہوا۔ کوتوالی سورج پور پولیس معاملے کی جانچ کررہی ہے۔

معلومات کے مطابق سورج پور شہر میں نور کمیونیکیشن کے نام سے نور محمد کی موبائل فون کا شو روم ہے۔ دیوالی کی وجہ سے اس نے کئی لاکھ روپے کے نئے موبائل فون کا آرڈر دیا تھا۔ وہ جمعرات کی رات شو روم بند کرکے گھر گئے اور جمعہ کی صبح تقریباً 5 بجے کے قریب لوگوں نے انہیں فون کرکے اطلاع دی کہ شو روم کا شٹر کٹا ہوا ہے اور دکان کھلی ہوئی ہے۔ اس پر وہ فوراً موقع پر پہنچ گئے اور دکان پر جاکر پتہ چلا کہ کئی لاکھ روپے مالیت کے نئے موبائل فون چوری ہوگئے ہیں۔

اطلاع پر پہنچی کوتوالی سورج پور پولیس نے جانچ کے بعد پتہ چلا کہ چور دکان کے باہر لگے سی سی ٹی وی کیمرے اور ڈی وی آر بھی لے گئے ہیں۔ ڈی سی پی سینٹرل ہریش چندر نے کہا کہ جائے وقوع کے آس پاس نصب دیگر سی سی ٹی وی سے پتہ چلا کہ چور ایک کار میں آئے تھے۔ کوتوالی سورج پور پولیس معاملے کی جانچ کررہی ہے۔ اس لوٹ اور چوری میں کسی قریبی کا ہاتھ ہے۔ کچھ اشارے ملے ہیں، جلد ہی اس کا پردہ فاش کردیا جائے گا۔