گریٹر نوئیڈا کے دادری میں واقع کوآپریٹو ایسوسی ایشن کے احاطہ میں تقریباً 100 ٹن غذائی اجناس 2 دنوں سے جاری کی وجہ سے تباہ ہوگئیں جبکہ ضلع انتظامیہ کی جانب سے لاپرواہی کا مظاہرہ کیا گیا۔ دادری میں تقریبا 100 ٹن گندم بارش کی وجہ سے برباد ہوگیا کیونکہ کوآپریٹو گودام کی چھت خستہ حال ہے۔
اطلاعات کے مطابق دادری کسان کوآپریٹو ایسوسی ایشن میں گندم خریدی کا مرکز گذشتہ ایک ماہ سے کام کررہا تھا جبکہ گودام کی چھت انتہائی خستہ ہونے کے باوجود یہاں اجناس کی بڑی مقدار کو رکھا گیا۔ 2 دن سے مسلسل بارش کی وجہ سے سے تقریباً 100 ٹن گندم بھیگ کر تباہ ہوگئی۔ انتظامیہ کی لاپرواہی کی وجہ سے ریاستی حکومت کو کروڑوں روپے کا نقصان ہوا ہے۔
