دارالحکومت دہلی کے مسلم اکثریتی علاقوں کے لوگوں کا کہنا ہے کہ اکثر یہ دیکھا گیا ہے کہ ووٹرز جب اپنے حق کا استعمال کرنے جاتے ہیں تو انہیں مایوسی ہاتھ لگتی ہے۔
ووٹنگ لسٹ سے نام غائب
دراصل وہ بہت پر جوش ہو کر پولنگ اسٹیشن پر پہنچتے ہیں لیکن جب ان کا نام ہی بغیر کسی اطلاع کے فہرست الگ کر دیا جاتا ہے تو ان کا سارا جوش ٹھنڈا ہو جاتا ہے۔
اسی طرح کے کچھ لوگوں سے ای ٹی وی بھارت کے نمائندے نے بات کی اور معلوم کیا کہ اس میں غلطی کس کی ہے۔
ایک شخص نے بتایا کہ گذشتہ انتخابات میں میری بیٹے اور بھتیجی نے وؤٹ دیا تھا لیکن اس بار جب ہم پولنگ اسٹیشن پر پہنچے تو ان کا نام ہی فہرست سے غائب کر دیا گیا۔ انہوں نے بتایا کہ نہ تو ہم نے اپنا مکان تبدیل کیا ہے اور نا ہی ہمارے دستاویزات میں کوئی کمی ہے اس کے باوجود فہرست سے نام غائب ہیں۔
