قومی دارالحکومت دہلی میں کورونا کے تیزی سے بڑھتے ہوئے کیسز کے پیش نظر کل یعنی 27 دسمبر سے رات 11:00 بجے سے صبح 5:00 بجے تک نائٹ کرفیو نافذ کرنے Night Curfew in Delhi کا اعلان کیا گیا ہے۔
دہلی میں کووڈ 19 کیسز Corona in Delhi میں تیزی سے اضافہ ہو رہا ہے۔ مسلسل دوسرے دن 200 سے زائد کووڈ-19 کے کیسز رپورٹ ہوئے ہیں۔
گزشتہ 24 گھنٹے میں 290 نئے کیسز اور انفیکشن کی شرح 0.55 درج کی گئی ہے۔ اس کے علاوہ اس دوران ایک شخص کی موت بھی درج کی گئی ہے۔
واضح رہے کہ 10 جون کے بعد کووڈ-19 سب سے زیادہ کیسز اور 4 جون کے بعد پازیٹیویٹی شرح سب سے زیادہ درج کی گئی ہے۔ 10 جون کو 305 کے اور 4 جون کو پازیٹیویٹی شرح 0.67 کے اوپر درج کی گئی تھی۔
یہ بھی پڑھیں: Corona virus in Delhi: دہلی میں کورونا کے 249 نئے کیسز
اس کے علاوہ اب دہلی میں فعال کیسز کی کل تعداد 1,103 پہنچ گئی ہے۔ یہ تعداد 1 جولائی کے بعد سب سے زیادہ ہے، 1 جولائی کو 1357 فعال کیسز درج کیے گئے تھے۔
