آر پی ایف جوان کورونا سے متاثر

قومی دارالحکومت دہلی میں کورونا وائرس متاثرین کی تعداد میں مسلسل غیرمعمولی اضافہ ہوتا جا رہا ہے، دہلی کے حضرت نظام الدین ریلوے اسٹیشن پر تعینات آر پی ایف جوان بھی کورونا وائرس سے متاثر ہوئے ہیں۔

حضرت نظام الدین ریلوے اسٹیشن پر تعینات 10 آر پی ایف جوان کورونا وائرس سے متاثر ہوئے ہیں، جن میں دو سب انسپیکٹر، ایک اے ایس آئی، سات کانسٹبل شامل ہیں۔ ان تمام متاثرین کو ہوم قرنطینہ کیا گیا ہے۔

اس معاملے کے بعد حضرت نظام الدین ریلوے اسٹیشن پر تعینات دیگر آر پی ایف جوانوں کے ٹیسٹ کیے جارہے ہیں، ان میں جو بھی جوان کورونا سے متاثر پائے جا رہے ہیں انہیں ہوم آئسولیٹ کیا جا رہا ہے۔

مزید آپ کو بتا دیں کہ' کورونا وبا کے دور میں ایک طرف جہاں آر پی ایف کے جوان کورونا سے متاثر ہورہے ہیں، وہیں یہ جوان ریلوے اسٹیشن پر مسافروں کی چیکنگ بھی کر رہے ہیں، جو کہ باعث تشویش ہے۔