وزیراعظم نریندر مودی کے ویژن آتم نربھر بھارت کو فروغ دینے کی غرض سے نئی دہلی کے تاریخی گولف کلب میں ایم پی کپ 2020 گولف ٹورنامنٹ کا آج اختتام ہوا۔
ٹورنامنٹ میں کارپوریٹ ہیڈ، بیورو کریٹس، جونیئر گولفر اور ڈی جی سی کے ممبران سمیت 400 سے زیادہ لوگوں نے شرکت کی۔ یہ ٹورنامنٹ رکن پارلیمنٹ میناکشی لیکھی کی نگرانی میں منعقد کیا گیا تھا۔
میناکشی نے کہا کہ ہم نے یہ ٹورنامنٹ آتم نربھر بھارت کو فروغ دینے کے مقصد سے منعقد کیا گیا تھا، انھوں نے کہا کہ گولف ایک ایسا کھیل ہے جہاں سماجی فاصلے کے قواعد پر عمل کیا جاسکتا ہے اور کھلاڑی ماسک کے ساتھ کھیل کو انجام بھی دے سکتے ہیں۔
ایشیائی گولڈ میڈلسٹ اور ارجن ایوارڈ یافتہ امت لتھرا نے کہا کہ یہ دیکھ کر خوشی ہوئی کہ آتم نربھر بھارت کے پیغام کو فروغ دینے کے لیے گولف کا استعمال کیا جا رہا ہے۔
ٹورنامنٹ کے چیئرمین دیپک دھون نے کہا کہ ایم پی کپ انفرادی اسٹبل فورڈ فارمیٹ کی بنیاد پر کھیلا گیا، جس میں کھلاڑی کو اپنی کارکردگی کی بنیاد پر پوائنٹس دیے گئے۔ اس ٹورنامنٹ کا بیشتر ایوارڈ رکشیت دہیا اور سودیپ نے حاصل کیے۔
