اوم برلا نے مودی کے اقتصادی پیکیج کی ستائش کی

وزیر اعظم نریندر مودی نے گزشتہ شب قوم کے نام خطاب میں کورونا وائرس سے مقابلہ کے لیے 20 لاکھ کروڑ روپے کا خصوصی اقتصادی پیکیج کا اعلان کیا تھا یہ پیکیج ملک کی جی ڈی پی کا دسواں حصہ ہے۔

لوک سبھا اسپیکر اوم برلا نے كووڈ -19 کے تناظر میں وزیر اعظم نریندر مودی کی جانب سے ان کے اقتصادی پیکیج کی تعریف کی ہے۔

برلا نے ٹویٹ کرکے کہا’’عالمی وبا کورونا وائرس کی جنگ میں وزیر اعظم نریندر مودی نے بے مثال ریلیف پیکیج کا اعلان کیا ہے۔

ملک کے محنت کشوں، کسانوں، ریہڑی والوں سے لے کر مڈل کلاس اور صنعت و تجارتی دنیا تک کی ترقی کے لیے 20 لاکھ کروڑ کے تاریخی پیکج سے خود کفیل بھارت کے خواب کی تعبیر ملے گی‘‘۔