غازی آباد: زخمی صحافی کی ہسپتال میں موت

غازی آباد میں بدمعاشوں کے حملے میں زخمی ہونے والے ایک صحافی نے ہسپتال میں آج علاج کے دوران دم توڑ دیا۔ واضح رہے کہ صحافی پر پیر کی شب بدمعاشوں نے حملہ کرکے شدید طور پر زخمی کردیا تھا۔

غازی آباد میں بدمعاشوں کے حملے میں زخمی صحافی کی ہسپتال میں آج علاج کے دوران موت ہو گئی۔ صحافی پر پیر کی شب شرپسندوں نے حملہ کیا تھا۔

معاملہ کو سنگینی کو دیکھتے ہوئے ایس ایس پی نے مقامی تھانہ انچارج کو معطل کردیا ہے اور اب تک 9 شرپسندوں کو گرفتار کیا جا چکا ہے۔ اس معاملے میں پولیس کی 6 ٹیمیں تشکیل دی گئی ہیں۔ کلیدی ملزم کا نام روی ہے۔

واضح رہے کہ ملزم روی اور اس کے ساتھیوں نے ملکر اس واردات کو انجام دیا تھا۔ صحافی موٹر سائیکل پر اپنی بہن کے گھر سے نکلے تھے اسی دوران بدمعاش پہلے ہی سڑک کے کنارے بیٹھے تھے۔ جس کے بعد چاروں طرف سے صحافی کو گھیر لیا اور اس کی زبردست پٹائی شروع کردی، اس دوران وہ شدید طور پرزخمی ہوگیا اور زمین پر گرگیا۔ سی سی ٹی وی میں یہ واضح طور پر نظر آرہا ہے کہ صحافی کی بیٹی مدد کے لیے چیختی چلاتی رہی لیکن پولیس کہیں نظر نہیں آئی اور بدمعاش اس جرم کا ارتکاب کرنے کے بعد فرار ہوگئے۔

پولیس نے گرفتار ملزموں کا نام اور پتہ جاری کیا ہے

روی ، ولد ماتادین ، ​​رہائشی - ماتا کالونی وجے نگر

چھوٹو ولد کمال الدین ، ​​رہائشی- 512 چرن سنگھ کالونی

موہت ، ولد امت کمار ، رہائشی - بھاو دیو ورت کالونی ، وجے نگر

دلویر، ولد ویر سنگھ ، رہائشی ایچ بلاک سیکٹر 9 ، وجے نگر

آکاش عرف للی ولد شنکر ناتھ ، رہائشی۔ چرن سنگھ کالونی ، وجے نگر

یوگیندر ، ولد پریتم سنگھ ، رہائشی- 363 سیکٹر 11 ، وجے نگر

ابھیشیک ہکلہ ولد شیوکانت سروج ، رہائشی- لال کوارٹر تھانہ صاحب آباد

ابھیشیک موٹا ولد منگل سنگھ ، ماتا کالونی ، سیکٹر 12 ، وجے نگر

شاکر ولد صابر چرن سنگھ ، کالونی وجے نگر

اس کے علاوہ پولیس ماتا کالونی وجے نگر کے رہائشی آکاش بہاری ولد اشوک کی گرفتاری کی کوشش کر رہی ہے۔