'حکومت کو طلبہ سے کیا دشمنی ہے'؟

جے ای ای اور نیٹ کے امتحانات ملتوی کرنے کے لیے ملک بھر میں طلباء تنظیم ودیگر سیاسی پارٹیاں حکومت کے خلاف نعرے بلند کررہی ہیں۔

جے ای ای اور نیٹ کے امتحانات ملتوی کرنے کا مطالبے پر ریاست ہریانہ کے ضلع نوح میوات میں کانگریس کی طلبہ اکائی 'این ایس یو آئی' کے بینر تلے احتجاج کیا گیا۔ احتجاج میں مقامی رکن اسمبلی آفتاب احمد کی قیادت میں ڈپٹی کمشنر نوح کی معرفت صدر جمہوریہ کو میمورنڈم بھی سونپا۔

این ایس یو آئی کے طلبہ نے مرکزی حکومت کے خلاف نعرے بازی کی، اور جے ای ای اور نیٹ کے امتحانات ملتوی کرنے کا مطالبہ کیا۔

اس موقع پر رکن اسمبلی آفتاب احمد نے کہا کہ' کورونا کے اس مشکل دور میں تمام اداروں کو بند کیا گیا ہے، تمام سرگرمیاں ملتوی کر دی گئیں ہیں 'لیکن طلبہ سے کیا ضد ہے،انہیں مشکل میں کیوں ڈالا جا رہا ہے'؟ انہوں نے کہا کہ' اس وقت پارلیمنٹ اور اسمبلیاں بند ہیں لیکن حکومت کو طلبہ سے کیا دشمنی ہے'؟