اس موقعے پر دہلی آئی ٹی او پر واقع جمعیۃ علماء ہند نے جامعہ طلبا کی حمایت اور پولیس کی بربرئت کے خلاف آواز بلند کرنے والے مظاہرین کے لیے چائے کا نظم کیا ہے۔
خیال رہے کہ گذشتہ روز جامعہ ملیہ اسلامیہ کے طلبا کی جانب سے یونیورسٹی کے کیمپس میں پُر امن طور پر شہریت ترمیمی قانون کے خلاف احتجاج کیا جارہا تھا اس دوران پولیس کے ذریعے کیمپس میں داخل ہوکر طلبا پر لاٹھی چارج کیا اور آنسو گیس فائر کیے جس کے نتیجے میں درجنوں طلبا کی زخمی ہوگئے۔
جامعہ ملیہ اسلامیہ میں طلباء کو بے رحمی سے زدو کوب کرنے سے ناراض طلباء اور شہری پولیس ہیڈ کوارٹر کے سامنے مظاہرہ کر رہے ہیں۔ دسمبر کی سرد رات کے پیش نظر پولیس ہیڈ کوارٹر سے متصل جمعیۃ علماء ہند نے مظاہرین کے لیے مدد فراہم کی اور چائے اور پانی کا انتظام کیا۔ یہاں پر مظاہرین کے علاوہ پولیس اہلکار بھی چاہئے پیتے ہوئے نظر آئے۔
