دہلی جامع مسجد سے پر امن احتجاجی مظاہرے

دارالحکومت دہلی کی شاہی جامع مسجد پر بھیم آرمی کے صدر چندر شیکھر راون احتجاج کرنے پہنچے جہاں پولیس نے انہیں اپنی حراست میں لے لیا حالانکہ ان کے ساتھی اور معروف وکیل محمود پراچہ نے عواام سے خطاب کیا۔

دارالحکومت دہلی کی شاہی جامع مسجد سے آج متنازعہ شہریت ترمیمی قانون کے خلاف پیدل مارچ میں شامل ہونے کے لیے بھیم آرمی کے چندر شیکھر راون نے دعوت دی تھی۔ لیکن لا اینڈ آرڈر کی بات کہ کر دہلی پولیس نے اس احتجاجی مظاہرے کو منظوری دینے سے انکار کر دیا

تاہم اس کے باوجود دارالحکومت دہلی کی شاہی جامع مسجد پر بھیم آرمی کے صدر چندر شیکھر راون احتجاج کرنے پہنچے جہاں پولیس نے انہیں اپنی حراست میں لے لیا حالانکہ ان کے ساتھی اور معروف وکیل محمود پراچہ نے عواام سے خطاب کیا۔

جمعہ کی نماز کے بعد دوپہر ایک بجے سے شروع ہوئے یہ احتجاجی مظاہرہ ابھی بھی جاری ہے اور بڑی تعداد میں مظاہرین یہاں موجود ہیں۔