اپوزیشن کی متعدد جماعتوں سمیت انڈین یونین مسلم لیگ نے بھی طلاق ثلاثہ بل پر حکومت سے ٹکرانے کی پوری تیاری کر لی ہے۔
ای ٹی وی بھارت سے خصوصی گفتگو کرتے ہوئے کیرالہ سے مسلم لیگ کے سینئر رکن پارلیمان ای ٹی بشیر نے کہا کہ وہ طلاق ثلاثہ بل کی مخالفت میں پوری قوت لگا دیں گے، جس میں حزب اختلاف کی متعدد جماعتوں کی حمایت انہیں میسر ہے۔
انہوں نے کہاکہ طلاق ثلاثہ بل پرسنل لاء کی آئینی آزادی کے خلاف ہے، وہ ہمیں کسی حال میں منظور نہیں۔
طلاق ثلاثہ بل
انہوں نے ایک سوال کے جواب میں کہا کہ لوک سبھا میں گرچہ ان کی تعداد کم ہے مگر دیگر پارٹیوں کو ایک پلیٹ فارم پر لا کر اس بل کی مخالفت کی جائے گی۔
انہوں نے مزید کہا کہ وہ اس بل کے آئیڈیا کے خلاف ہیں کیونکہ کہ شادی اور طلاق پر سنل لا کے زمرے میں آتے ہیں، اس پر حکومت کو مداخلت کرنے کا کوئی حق نہیں ۔
