قومی دارالحکومت دہلی سے متصل ریاست اترپردیش کے ضلع گوتم بدھ نگر نوئیڈا میں تھانہ ایکسپریس وے پولیس نے تصادم کے بعد اسلحہ کی زد پر گاڑی میں سوار مسافروں سے اے ٹی ایم سے روپے نکلوا کر لوٹ پاٹ کرنے والے پانچ بین ریاستی لٹیروں کو گرفتار کیا ہے۔
واضح رہےکہ نوئیڈا پولیس نے ملزمین کے قبضہ سے دو کار، ساڑھے کلو گرام گانجہ، 25 ہزار روپے سمیت کئی غیر قانونی اسلحہ برآمد کیا ہے۔
خیال رہے کہ تھانہ ایکسپریس وے نوئیڈا پولیس نے شاہ پور گووردھان پور سیکٹر 128 تیراہے کے قریب تصادم میں ان پانچوں ملزمان کو گرفتار کیا ہے۔
یہ ملزم عوام کو سواری کی حیثیت سے کار میں بیٹھاتے تھے، پھر چاقو اور طمنچے کے زور پر اے ٹی ایم سے رقم نکلواتے تھے اور ساتھ ہی ان کے پاس موجود رقم اور زیورات بھی لوٹ لیتے تھے۔
یہ شاطر بین ریاستی لٹیرے ہیں۔جن کو پولیس تلاش کر رہی تھی یہ ماضی میں بھی جیل جا چکے ہیں تاہم ان کی شناخت دلیپ کمار ولد ہریش چندر، منیش کمار عرف منو کمار ولد رنویر کمار، شیوم عرف سنی ولد لالچند ، وکرم ولد سریش کمار اور ساگر ولد رنویر کے طور پر ہوئی ہے۔
پولیس نے ان کے خلاف کیس درج کرکے آگے کی تفتیش شروع کردی ہے۔
