اقلیتی امور کے مرکزی وزیر اور راجیہ سبھا کے ڈپٹی لیڈر مختار عباس نقوی نے کہا کہ عالمی اقتصادی مندی کے دور میں بھی دیسی مصنوعات نے ہندوستانی ضروریات اور معیشت کے لیے ’سیکورٹی شیلڈ‘ کا کام کیا۔
پیر کو یہاں انڈیا انٹرنیشنل ٹریڈ فیئر (آئی آئی ٹی ایف ) میں منعقدہ’ہنر ہاٹ‘ کے افتتاح کے موقع پر خطاب کرتے ہوئے مختار عباس نقوی نے کہا کہ وزیر اعظم نریندر مودی کا ’وکل فار لوکل‘ منتر ملک کی معیشت اور خود مختار کے لیے ایک موثر طریق کار ثابت ہوا ہے۔
گذشتہ سال کورونا کے دور میں دنیا کے معاشی بحران کے دوران بھی دیسی مصنوعات نے ہندوستانی ضروریات اور معیشت کے ’تحفظ‘ کے طور پر کام کیا۔
یہ نہ صرف غذائی اجناس پیدا کر رہا ہے بلکہ اسےبیرون ممالک کو برآمد بھی کر رہا ہے۔ یہ ملک کے ان داتاؤں کی محنت اور مودی حکومت کے ’’خود انحصار زراعت اور کسان‘‘ کے موثر اقدامات کا نتیجہ ہے۔
انہوں نے کہا کہ ہنر ہاٹ کے افتتاح کے موقع پر ایران کے سفیر علی چینگنی اور کویت کے سفیر جاسم النجم نے بھی شرکت کی اور ان کی حوصلہ افزائی کی۔ اس دوران مرکزی وزیر مملکت برائے اقلیتی امور جان برالا سمیت وزارت کے کئی سینئر افسران نے شرکت کی۔
یو این آئی
