ریل مسافروں کے لیے خوشخبری، مزید 80 اسپیشل ٹرینیں چلانے کا فیصلہ

ریلوے بورڈ کے چیئرمین ونود کمار نے ہفتہ کو کہا کہ بھارتی ریلوے 12 ستمبر سے 40 جوڑی اسپیشل ٹرین چلانے والا ہے۔ اس کے لیے 10 ستمبر سے ریزرویشن شروع کیے جائیں گے۔

بھارتی ریلوے نے 12 ستمبر سے 80 نئی اسپیشل ٹرین چلانے کا اعلان کیا ہے۔ ان ٹرینوں میں سفر کے لیے 10 ستمبر سے بکنگ کی جاسکے گی۔ ریلوے بورڈ کے چیئرمین ونود کمار نے ہفتہ کو کہا کہ بھارتی ریلوے 12 ستمبر سے 40 جوڑی اسپیشل ٹرین چلانے والا ہے۔ اس کے لیے 10 ستمبر سے ریزرویشن شروع کیے جائیں گے۔

ریلوے بورڈ کے چیئرمین نے کہا کہ ان 40 جوڑی یعنی 80 اسپیشل ٹرینوں کو پہلے سے چل رہی 230 ٹرینوں کے اضافی چلایا جائے گا۔

بارہ ستمبر سے مزید 80 ٹرینیں چلانے کا فیصلہ

انہوں نے کہا کہ ریاستوں کے مطالبے اور ضرورت کے حساب سے ٹرینوں کو چلایا جائے گا۔

ریلوے بورڈ کےچیئرمین نے کہا کہ جو اسپیشل ٹرین چلائی جارہی ہے۔ ان کی نگرانی کی جائے گی۔ جہاں بھی ٹرین کی مانگ ہوگی یا طویل ویٹنگ لسٹ ہوگی وہاں ایکچول ٹرین سے پہلے کلون ٹرین چلائی جائے گی۔

بارہ ستمبر سے مزید 80 ٹرینیں چلانے کا فیصلہ

انہوں نے کہا کہ امتحانات کے لیے ریاستی سرکاوں کے مطالبہ پر اسپیشل ٹرینوں کو چلایا جائے گا۔ واضح رہے کہ کرونا وبا کو دیکھتے ہوئے ریلوے بورڈ موجودہ وقت میں صرف 230 اسپیشل ٹرینیں چلارہا ہے۔