جنوری 30 سنہ 1948 کی شام بابائے قوم مہاتما گاندھی کو ناتھو رام گوڈسے نامی ایک شخص نے گولی مار کر قتل کر دیا تھا۔ انہیں خراج عقیدت پیش کرنے کے لیے آج دہلی میں جاری احتجاج کی جگہ دہلی کے مختلف علاقوں میں ایک انسانی زنجیر بنانے کا اعلان کیا گیا۔
اسی وقت جب مہاتما گاندھی کو گولی ماری گئی تب ایک منٹ خاموشی اختیار کرکے انہیں خراج عقیدت پیش کیا جانا تھا لیکن دہلی پولیس کے ذریعہ انسانی زنجیر بنانے کی اجازت نہیں دینے کے بعد کچھ جگہوں پر لوگوں نے زبردستی انسانی زنجیر بنائی اور خراج پیش کی۔
اس دوران دریا گنج پر واقع گولچہ سنیما کے آگے کچھ لوگوں نے جمع ہو کر انسانی زنجیر بنانے کی کوشش جسے پولیس نے زیادہ دیر ٹکنے نہیں دیا۔
البتہ پانچ بج کر 17 منٹ پر مظاہرین نے انسانی زنجیر بنانے میں کامیاب ہو گئے اور ایک منٹ کی خاموشی اختیار کرنے کے بعد قومی ترانہ گا کر اپنے احتجاج کا اختتام کیا۔
