کورونا وائرس سے متعلق ڈاکٹر اوشا سے خاص بات چیت

ڈاکٹر اوشا نے کہا کہ لوگ اس وائرس کے خوف سے بہت گھبرا رہے ہیں ، ایسی صورتحال میں ہر کوئی ماسک پہنے ہوئے دکھ رہا ہے۔ بازار سے سینیٹائزر ختم ہو رہے ہیں۔ ہر وقت ماسک پہنے رکھنا اور پھر اسی کو اگلے دن اسی ماسک کو دوبارہ استعمال کرنا ٹھیک نہیں۔

کورونا وائرس کا خوف لوگوں میں مسلسل بڑھتا جا رہا ہے۔ اب تک بھارت میں قریب 60 معاملے کورونا سے متاثر سامنے آ چکے ہیں۔ اس پر ای ٹی وی بھارت نے ڈاکٹر اوشا ایم کمار سے خاص بات چیت کی۔

ڈاکٹر اوشا کا کہنا ہے کہ ماسک صرف وہ لوگ پہنیں جو کھانسی، جکام جیسے انفیکشن سے متاثر ہیں۔ جس کی وجہ سے ان کا انفیکشن کسی دوسرے کو متاثر نہ کرے۔ تھوڑی تھوڑی دیر پر ہاتھ دھوئیں۔ صاف صفائی کا خیال رکھیں۔

کھانے پینے کا خاص خیال رکھیں

اس کے علاوہ ڈاکٹر کا کہنا تھا کہ یہ وائرس ان لوگوں کو جلدی اپنی چپیٹ میں لے رہا ہے، جن کے جسم میں بیماریوں سے لڑنے کی طاقت کم ہے۔ ثمر، سبزیاں اور میوہ وغیرہ کو اپنی خوراک میں شامل کریں کیوں کہ اس سے ہمارے جسم کو بیماریوں سے لڑنے کی صلاحیت بڑھتی ہے۔