دہلی ہائی کورٹ آج گجرات کیڈر کے آئی پی ایس افسر راکیش استھانہ کی دہلی پولیس کمشنر کے طور پر تقرری اور ان کی خدمات میں ایک سال کی توسیع کو چیلنج کرنے والی درخواست پر سماعت کرے گا۔ اس درخواست پر آج چیف جسٹس ڈی این پٹیل اور جسٹس جیوتی سنگھ کی بنچ کے سامنے سماعت ہوگی۔
باڈر سیکوریٹی فورس (بی ایس ایف) کے ڈائریکٹر جنرل کی حیثیت سے خدمات انجام دینے والے 1984 بیچ کے آئی پی ایس افسر 31 جولائی کو ریٹائرمنٹ سے چار دن قبل 27 جولائی کو دہلی پولیس کمشنر مقرر ہوئے ہیں۔
درخواست میں وزارت داخلہ کے 27 جولائی کے حکم کو منسوخ کرنے کی استدعا کی گئی ہے کہ استھانہ کو دہلی پولیس کمشنر مقرر کیا جائے، انتر کیڈر ڈیپوٹیشن اور سروس میں توسیع کی جائے۔ اس میں دہلی پولیس کمشنر کی تقرری کے لیے سپریم کورٹ کی جانب سے پہلے جاری کردہ ہدایات کے مطابق اقدامات کرنے کی درخواست کی گئی ہے۔
دہلی کے وکیل صدر عالم نے یہ درخواست دائر کی ہے۔ درخواست میں کہا گیا ہے کہ متعلقہ حکم (وزارت داخلہ کا) پرکاش سنگھ کیس میں سپریم کورٹ آف انڈیا کی طرف سے دی گئی ہدایات کی واضح خلاف ورزی ہے۔
