Hauz Qazi Delhi: 'حوض قاضی کا نام کبھی تبدیل نہیں ہونے دیں گے'

دارالحکومت دہلی میں واقع حوض قاضی کا نام تبدیل کرنے مسترد کرنے کے بعد بلیماران سے عام آدمی پارٹی کے کونسلر محمد صادق نے بتایا کہ کسی بھی حال میں حوض قاضی کا نام تبدیل نہیں ہونے دیں گے Hauz Qazi Delhi۔

دارالحکومت دہلی کے فصیل بند شہر میں واقع حوض قاضی چوک کا نام تبدیل کر کانگریس کے سابق کونسلر ہری چند ورما کے نام پر رکھنے کی منظوری ایم سی ڈی نے دی تھی لیکن بعد میں جب اس کے خلاف سوشل میڈیا پر ہنگامہ ہوا تو ایم سی ڈی کی جانب سے نام تبدیل کرنے کے فیصلے کو مسترد کردیا گیا Attempt to change the name of Hauz Qazi۔

اطلاعات کے مطابق چوک حوض قاضی کا نام تبدیل کرنے کی درخواست اجمیری گیٹ وارڈ سے عام آدمی پارٹی کے کونسلر راکیش کمار کے ذریعے دی گئی تھی۔ ای ٹی وی بھارت کے نمائندے نے راکیش کمار سے متعدد بار بات کرنے کی کوشش کی لیکن ان سے بات نہیں ہو پائی۔حالانکہ بلیماران سے عام آدمی پارٹی کے کونسلر محمد صادق نے بتایا کہ نام تبدیلی کے لیے جو پوسٹر لگایا گیا تھا اس میں عمران حسین کا نام بغیر اجازت کے استعمال کیا گیا تھا نہ تو یہ بلی ماران اسمبلی حلقہ کے زیر انتظام آتا ہے اور نہ ہی عمران حسین کا اس میں کوئی سروکار ہے۔ کونسلر محمد صادق نے یہ بات واضح طور پر کہی کہ نام تبدیل کرنے کا فیصلہ راکیش کمار کا تھا جب انہیں معلوم ہوا تو اس سے متعلق تمام لوگوں کو اطلاع دی، جس کے بعد عمران حسین کے کہنے پر چوک حوض قاضی کا نام تبدیل ہونے سے روکا گیا۔مزید پڑھیں:

قابل ذکر ہے کہ چوک حوض قاضی مغل بادشاہ شاہجہاں کے فصیل بند شہر کا تاریخی حصہ ہے اور اس علاقے سے تاریخ کی بہت ساری یادیں وابستہ ہیں۔