قومی دارالحکومت دہلی سے متصل شہر غازی آباد کے ٹیلا موڑ علاقے میں ایک پلاسٹک کی فیکٹری میں اچانک آگ لگ گئی، آگ لگنے سے لاکھوں روپے کا نقصان ہوگیا ہے۔
موقع پر پہنچے پانچ فائر بریگیڈیئر کی گاڑیوں کے عملے نے آگ پر قابو پالیا ہے، تاہم جس فیکٹری میں آگ لگی ہے اس سے متعلق یہ بھی کہا جارہا ہے کہ فیکٹری غیر قانونی طور پر چلائی جارہی تھی۔
خیال رہے کہ ابھی تک آگ لگنے کی وجہ معلوم نہیں ہوسکی ہے، جبکہ آگ لگنے کی وجوہات کی تفتیش کی جاری ہے۔
یہ بھی بتایا جارہا ہے کہ غیر قانونی طور پر چلنے والی پلاسٹک فیکٹری اور گودام میں آگ بجھانے کا کوئی انتظام نہیں تھا۔ یعنی یہاں کام کرنے والے لوگوں کی زندگیاں خطرے میں ڈال دی گئی تھیں۔
اگر فائر بریگیڈ مکمل طور پر یہ واضح کرتا ہے کہ وہاں آگ بجھانے کا کوئی انتظام نہیں تھا تو ایسی صورت میں فیکٹری مالک کو گرفتار کرکے اس پر کارروائی کی جاسکتی ہے۔
واضح رہے کہ فیکٹری سے بڑی تعداد میں پلاسٹک کے تار و پولیتھین کا مواد بھی برآمد کیا گیا ہے۔
