ڈی آر ڈی او کے ’فائرایکسپلووسیو اینڈ انوائرنمنٹ سیفٹی سنٹر‘ کی جانب سے تیار کردہ ’فائر ڈیٹیکشن اینڈ اسپریشن سسٹم‘ (ایف ڈی ایس ایس) صرف 30 سیکنڈ میں گاڑی میں لگی آگ کا پتہ لگا کر ایک منٹ میں اس پر قابو پا کر جانی و مالی نقصان میں کافی حد تک کمی کر سکتا ہے۔
اس سسٹم کی نمائش یہاں ڈی آر ڈی او عمارت میں گئی تھی اور وزراء کو اس کے کام کرنے کے تعلق سے بھی تفصیلی معلومات فراہم کی گئی ۔ اس سسٹم میں 80 لیٹر پانی کی صلاحت والا ٹینک اور 6.8 کلوگرام نائٹروجن کا سلنڈر فٹ کیا جاتا ہے ۔ ٹینک سے پانی کی کئی ٹیوب جوڑی گئی ہیں جو گاڑی کے مختلف حصوں تک جاتی ہے۔ انجن کے لئے ایرسول جنریٹر لگایا جائے گا جو سسٹم کے چالو ہونے کے پانچ سیکنڈ میں آگ پر قابو پا سکتا ہے ۔
اس موقع پر مسٹر سنگھ نے اس نظام کو فروغ دینے والے سائنسدانوں کی ٹیم کی تعریف کی ۔ مسٹر گڈکری نے کہا کہ مسافر گاڑیوں کی حفاظت کے نقطہ نظر سے یہ بہت اہم ہے ۔ ڈی آر ڈی او کے صدر ڈاکٹر جی ستیش ریڈی نے بھی اس کامیابی پر سائنسدانوں کو مبارکباد پیش کی۔
