دہلی پولیس کے کانسٹیبل یوگیندر کی تبیعت تقریبا 20 جون کو خراب ہوئی تھی اور انہیں پارک ہسپتال میں داخل کرایا گیا تھا جہاں ان کی پریشانی میں اضافہ ہوتا گیا۔ ان کے کورونا ٹیسٹ کی رپورٹ 25 جون کو آئی جس میں یوگیندر مثبت پائے گئے، تب سے ان کا علاج چل رہا تھا لیکن مکمل کوششوں کے باوجود انہیں بچایا نہیں جا سکا۔
یہ بھی پڑھیں:
راجستھان: بی ایس ایف جوان پلازما عطیہ کریں گے
یوگیندر کی موت کے بعد پورے خاندان میں غم کا ماحول ہے۔ ان کے والد نے بتایا کہ یوگیندر کے دو بچے ہیں۔ ایک بیٹا ہے اور دوسری بیٹی۔
یوگیندر ڈیڑھ دہائی قبل دہلی پولیس میں داخل ہوئے تھے۔ تب سے ان کی مختلف جگہوں پر تعیناتی ہوئی۔ وہ ہریانہ کے مہیندر گڑھ کے رہائشی تھے اور یہاں پشچم وہار پولیس کوارٹرز میں کنبہ کے ساتھ رہتے تھے۔ ان کی موت سے پورا محکمہ پولیس حیران ہے۔ منگل کے روز یوگیندر کی آخری رسومات بھی ادا کی گئیں۔
