قومی دارالحکومت دہلی کے ایک پولیس افسر نے بتایا کہ 16-17اپریل کی درمیانی شب ایک بج کر 30 منٹ پر پرہلاد پور تھانہ علاقے کے ایم بی روڈ پر جانچ کے دوران ایک ٹرک میں 37مزدور ملے۔ٹرک میں سوار سبھی مزدور بہار کے رہنے والے ہیں۔
انہوں نے کہا کہ مزدوروں کو دہلی سے باہر لے جانے والا ٹھیکے دار برجیش بھی ٹرک میں سوار تھے۔
تفتیش میں برجیش نے بتایا کہ اس نے ان مزدوروں کو اوکھلا منڈی اور چھترپور سے جمع کیا ہے اور سبھی کو ہریانہ کے پلول منڈی لے کر جارہےتھے۔
دہلی پولیس نے ان مزدوروں پر تعزیرات ہند کی دفعہ 188/269/270 کے ساتھ ساتھ مزید وبائی قانون کے تحت مقدمہ درج کرکے آگے کی کاروائی شروع کردی ہے۔
