قومی دارلحکومت دہلی میں گذشتہ روز میٹرو پولیس نے ایک ایسے چوروں کے گروہ کا پردہ فاش کیا ہے جو کئی برسوں سے میٹرو، بس اڈہ اور ریلوے اسٹیشنوں پر چوری کے واردات کوانجام دے رہے تھے۔
میٹرو مسافرین کو رومال میں نوٹوں کا لپٹا ہوا بنڈل دکھا کر ان کا سامان لے کر فرار ہو جانے والے اس گروہ کے دو فرد لال بابو اور بٹوکو گذشتہ روز پولیس نے گرفتار کیا۔
ڈی ایس پی وکرم پوروال نے بتا یا کہ' اتم نگر کا باشندہ ساحل کو میٹرو میں چوروں نے رومال میں لپٹا ہوا نوٹوں کا بنڈل دکھا کر اس کا سارا سامان لے کر فرار ہو گئے'۔
انہوں نے بتا یا کہ اس کی پوری جانکاری سی سی ٹی وی فوٹیج کے ذریعہ پتہ چلا ، بڑھتی واردات کے پیش نظر جب انسپکٹر رام مہر سنگھ کی نگرانی میں اے ایس آئی لکھویندر سنگھ نے سی سی ٹی وی فوٹیج پر تحقیق کی تو پتہ چلا کہ دونوں ہی واقعات میں مذکورہ گینگ ہی ملوث ہے۔
جس کے بعد پولیس نے ان ملزمین کی تفتیش میں لگ گئی، جنہیں گذشتہ روز دہلی کے منڈی ہاؤس میٹرو اسٹیشن سے گرفتار کر لیا گیا، تلاشی کے بعد پولیس کو ان کے پاس سے بیگ،لیپ ٹاپ مع کئی الیکٹرانک سازو سامان دستیاب ہوئے۔
پولیس کی پوچھ تاچھ پر چوروں نے بتا یا کہ وہ میٹرو اسٹیشن، بس اسٹاپ اور ریلوے اسٹیشنوں پر لوگوں کو بیوقوف بنا کر ان کے سازو سامان لے کر فرار ہو جاتے تھے۔
ان چوروں نے بتا یا کہ رومال میں لپٹا ہوا نوٹوں کا بنڈل جس میں صرف 500 روپے کا نوٹ ہوتا بقیہ ردی کا غذ اس کے چاروں طرف لپٹا ہوتاتھا، مسافروں کو یہ بنڈل دکھا کر ایک شخص پھنسا کر رکھتا تھی تبھی گروپ کا دوسرا چور انجان بن کر اس شخص کا سامان لے کر فرار ہوجا تا تھا۔
پولیس نے بتا کہ گذشتہ تقریبا دو برسوں سے یہ گروہ چوری کی واردات میں سر گرم تھا، پولیس معاملے کی تفتیش کر رہی ہے، چوروں سے پوچھ گچھ جاری ہے، امید ہے کہ اس کے ذریعے اور کئی بڑے وار دات کا معاملہ حل ہو۔
