قومی دارالحکومت دہلی کے کیراڑی اسمبلی علاقے کے لوگوں نے پانی کی قلت کے پیش نظر واٹربورڈ اور دہلی حکومت کے خلاف نعرے بازی کی اور احتجاجی مظاہرہ کیا۔
احتجاج کے دوران لوگ سڑکوں پر مٹکا، بالٹی لے کر گھروں سے نکل آئے۔ کیراڑی اسمبلی کے لوگوں کا کہنا ہے کہ ہفتے میں صرف 4 دن پانی آتا ہے۔پچھلے کئی مہینوں سے پانی کا مسئلہ درپیش ہے۔
مقامی افراد کا کہنا ہے کہ مقامی رہنما کے پاس جانے کے باوجود بھی پانی کا مسئلہ حل نہیں ہو رہا، گرمی کے موسم میں پانی کی کمی کے سبب ہم لوگ کافی پریشان ہیں۔
لوگوں نے مزید یہ بھی الزام عائد کیا کہ کسی بھی مقامی رہنما یا افسر ان کو عوام کے مسائل سے کوئی مطلب نہیں اور نہ ہی اسے سمجھنے اور حل کرنے میں انہیں کوئی دلچسپی ہے۔
مزید پڑھیں: نانگل دیوت پارک کی خستہ حالی سے لوگ پریشان
ان حالات اور پریشانیوں کے پیش نظر کراڑی اسمبلی میں کئی دنوں سے احتجاجی مظاہرہ جاری ہے۔ علاقے کی عوام نے پریم نگر ہنومان مندر کے سامنے مظاہرہ کر کے اپنی بات حکومت تک پہنچانے کی کوشش کی۔
