قومی دارالحکومت دہلی میں انڈین کونسل آف میڈیکل ریسرچ (آئی سی ایم آر) اور بھارت بائیوٹیک انٹرنیشنل لمیٹڈ (بی بی آئی ایل) نے مل کر کووڈ-19 کی ویکسین پر کام کرنا شروع کیا ہے۔
آئی سی ایم آر نے ایک پریس ریلیز کے ذریعے ویکسین پر کام شروع کرنے کی اطلاع دی۔
آئی سی ایم آر نے کچھ عرصہ قبل دعوی کیا تھا کہ اس نے قومی انسٹی ٹیوٹ آف ویرولوجی پونے میں کوویڈ کے اسٹرین کو الگ کر لیا ہے، جو ویکسین بنانے میں بہت اہم ہوتا ہے۔
اب اس میں تازہ ترین خبر یہ ہے کہ نیشنل انسٹی ٹیوٹ آف ویرولوجی (این آئی بی) کی طرف سے کوویڈ کا اسٹرین بخوبی بائیوٹیک انٹرنیشنل لمیٹڈ کو منتقل کردیا گیا ہے۔اس دوران آئی سی ایم آر بی بی آئی ایل کو تکنیکی معلومات فراہم کرتا رہے گا۔
آئی سی ایم آر نے بتا یا کہ ویکسین بنانے کے لئے کچھ منظوری لینی ہوگی۔ جس کے لئے فوری منظوری لینا ضروری ہے۔ اس میں حکومت کے تعاون کی ہر امید ہے۔ یہ ویکسین اگلے چند ماہ میں تیار ہوجائے گی۔
ویکسین تیار ہونے کے بعد جانوروں پر اس کا تجربہ کیا جائے گا۔ پھر انسانوں پر اس کا تجربہ ہوگا۔
تجربےکا مرحلہ کافی پیچیدہ ہے۔ منظوری لینے میں تھوڑی مشکل پیش آتی ہے۔لیکن اگر سب کچھ بہتر رہا تو امید ہے کہ سال رواں کے آخر تک کوویڈ کی ویکسین تیار ہوجائے گی۔
