دہلی حکومت کی ہدایت کے مطابق کووڈ 19 کے مریضوں کو ریپڈ ٹیسٹنگ سے جانچے جانے پر اگر ان میں شدید علامات دیکھا جاتا ہے تو انہیں اسپتال میں منتقل کیا جائے گا۔
اس کے علاوہ ہلکے یا پری علامتی ان مریضوں کو کووڈ کیئر سینٹر میں منتقل کیا جائے گا جن کے پاس الگ کمرے اور بیت الخلا کی سہولت نہیں ہے۔
ایس او پی کے مطابق ہلکے علامات کے مریضوں کو بھی کووڈ کیئر سنٹرز یا اسپتالوں میں منتقل کیا جائے گا۔
آر ٹی پی سی آر جانچ کے طریقہ کار سے معائنہ کرنے والے مریضوں کے رہنما خطوط کے مطابق ایسے کیسز جنہیں اسپتالوں یا کووڈ ہیلتھ سینٹرز میں منتقل کرنے کی ضرورت ہوگی، انہیں ایمبولینسز کے ذریعہ منتقل کیا جائے گا۔
وزارت صحت اور خاندانی بہبود کی ڈسچارج پالیسی کے مطابق ہوم آئیسولیشن میں رکھے گئے مریضوں کو 10 دن کے علاج کے بعد ڈسچارج کر دیا جائے گا۔
اس سے قبل دہلی حکومت نے شہر کے سرکاری اور نجی اسپتالوں میں کورونا وائرس کے مریضوں کے کلینیکل انتظام کے متعلق ہدایات جاری کی تھی۔
دہلی کی ہیلتھ سکریٹری پدمینی سنگلا کے ذریعہ جاری کردہ ایک میمورنڈم کے مطابق مولانا آزاد میڈیکل کالج کے ڈاکٹروں نے تصدیق شدہ کوویڈ 19 انفیکشن والے مریضوں کے لئے کلینیکل مینجمنٹ پروٹوکو، ایک معیاری آپریٹنگ پروٹوکول کے طور پر تیار کیا تھا۔
رہنما خطوط میں کہا گیا ہے کہ کوویڈ 19 مریضوں کو بخار، گلے کی سوزش اور سر درد کے باوجود پیراسیٹامول اور علامتی علاج کے لئے اینٹی الرجی کی دوا نہیں دی جارہی ہے۔
