دارالحکومت دہلی میں ریاستی کانگریس کمیٹی کی جانب سے شہریت ترمیمی بل کے خلاف احتجاجی مظاہرہ منعقد کیا گیا جس میں بھارتی وزیر اعظم اور وزیر داخلہ کے خلاف نعرے بازی کی گئی.
احتجاجی مظاہرے میں مختلف سیاسی رہنماؤں نے شرکت کی اور بل کی مخالفت کرتے ہوئے اسے واپس لینے کا مطالبہ بھی کیا گیا۔
یہ احتجاجی مظاہرہ دہلی پردیش کانگریس کمیٹی کے زیر اہتمام بی جے پی دفتر کے باہر کیا گیا جہاں پر پولیس کے ذریعہ مظاہرین کو روک دیا گیا۔
اس موقع پر کانگریس رہنما آل اقبال نے کہا کہ انہیں لوک سبھا کے اسپیکر اور راجیہ سبھا کے چیئرمین کو تنقید کا نشانہ بناتے ہوئے کہا کہ یہ کیسے ممکن ہے کہ بھارت کے آئین کے خلاف اس بل کو اتنی آسانی سے پاس کرا دیا گیا انہوں نے کہا کہ یہ ہٹلر گری کی انتہا ہے جہاں حزب مخالف سیاسی جماعتوں کی آواز کو دبایا جا رہا ہے.
وہیں کانگریس کی رہنما عشرت جہاں نے کا کہنا تھا کہ ملک کی معاشی صورتحال بے حد خراب ہے ملک کے نوجوان بے روزگار ہیں ایسے میں اگر اس بل کو نافذ کیا جاتا ہے تو اس سے ملک کے حالات مزید خراب ہوں گے.
