نئی دہلی: شمالی دہلی میونسپل میں کانگریس پارٹی کے لیڈر اور سینیئر وارڈ ممبر مکیش گویل نے میونسپل اہلکاروں کو وقت سے تنخواہ اور دیگر سہولت نہ ملنے کے لیے بر سر اقتدار بھارتیہ جنتا پارٹی (بی جے پی) اور عام آدمی پارٹی (اے اے پی) کو ذمہ دار قرار دیتے ہوئے اسے فوراً حل کرنے کا مطالبہ کیا ہے۔
مسٹر گویل نے میونسپل اہلکاروں کی حمایت کرتے ہوئے آج کہا کہ کورونا کے اس بحران کے وقت زیادہ تر محکموں کے اہلکاروں کو گذشتہ پانچ ماہ سے تنخواہ نہ ملنے کی وجہ سے انھیں ہڑتال جیسا سخت فیصلہ کرنا پڑا ہے۔ میونسپل اہلکاروں نے تنخواہ نہ ملنے کے خلاف روزانہ دو گھنٹے کی علامتی ہڑتال کا اعلان کیا ہے۔ اگر فوراً اہلکاروں کے مطالبے کے مطابق تنخواہ کی ادائیگی نہیں کی گئی تو آنے والے دنوں صورتحال مزید خراب ہو سکتی ہے۔'
مسٹر گوئل نے اہلکاروں کی تنخواہ کی ادائیگی فوراً کرنے کا مطالبہ کرتے ہوئے کہا کہ ہیڈ کوارٹر سوک سینٹر سمیت میونسپل کے مختلف دفاتر کے اہلکاروں نے دو گھنٹے کی علامتی ہڑتال شروع کر دی ہے۔آئندہ دنوں یہ ہڑتال بڑھ سکتی ہے۔ سینیئر وارڈ ممبر نے کہا کہ میونسپل اہلکاروں کی تنخواہ کی مصیبت کے لیے بی جے پی اور اپوزیشن اے اے پی دونوں ذمہ دار ہیں۔
