راجدھانی دہلی کے وزیر اعلیٰ اروند کیجریوال نے جمعرات کے روز وشاکھاپٹنم میں ایل جی پالیمرس کیمیکل پلانٹ میں زہریلی گیس اخراج کے واقعے پر تشویش ظاہر کی ہے۔
اس گیس اخراج واقعے میں 11 افراد ہلاک ہوگئے جبکہ 200 سے زائد متاثر ہیں جن کا شہر کے مختلف اسپتالوں میں علاج ہو رہا ہے۔
اروند کیجریوال نے ٹوئیٹ کیا ’’وشاکھاپٹنم میں گیس رساؤ سے جانی نقصان کی خبر سن کر بہت دکھ ہوا۔‘‘
انہوں نے مزید کہا کہ ’’میری تعزیت اور دعائیں ان خاندانوں کے لئے ہیں جنہوں نے اپنے عزیزوں کو کھو دیا ہے۔ میں سبھی کی جلد صحت یابی کے لئے دعا گو ہوں۔‘‘
دریں اثناء وزیر اعظم نریندر مودی نے وزیر داخلہ امیت شاہ اور نیشنل ڈیزاسٹر مینجمنٹ اتھارٹی سے اس واقعے کے بارے میں بات چیت کی ہے۔
