دہلی ایئرپورٹ پرخاتون مسافر گرفتار

آئی جی آئی ایئرپورٹ کسٹم ڈپارٹمنٹ نے الماٹی سے دہلی جانے والی ایک خاتون مسافر کو 673 گرام سونے کے زیورات کے ساتھ گرفتار کیا ہے۔ برآمد شدہ زیورات کی مالیت 23 لاکھ 64 ہزار بتائی جا رہی ہے۔

قومی دارالحکومت دہلی کے اندرا گاندھی انٹر نیشنل ایئر پورٹ پر کسٹم ڈپارٹمنٹ کی ٹیم نے الماٹی سے دہلی آنے والی ایک خاتون مسافر کو 673 گرام سونے کے ساتھ گرفتار کیا ہے۔

کسٹم ایڈیشنل کمشنر جینت سہائی کے مطابق افسران کو گرین چینل سے گزرنے والی خاتون پر شبہ تھا۔ جس کے بعد افسران نے خاتون اور اس کے سامان کی تفتیش کی۔

تفتیش کے دوران خاتون کے پاس 673 گرام سونے کے متعدد زیورات برآمد ہوئے۔

کسٹم کے مطابق برآمد شدہ زیورات کی مالیت 23 لاکھ 64 ہزار ہے۔ کسٹم نے برآمد شدہ زیورات قبضے میں لے کر خاتون کو گرفتار کرلیا ہے۔