پڈوچیری میں سمندری طوفان نیوار سے متاثرہ علاقوں کا دورہ کرنے اور نقصان کا جائزہ لینے کے لئے مرکزی وزارت داخلہ میں جوائنٹ سکریٹری آشوتوش اگنیہوتری کی سربراہی میں چار رکنی مرکزی ٹیم نے پیر کی صبح سے اپنا کام شروع کردیا۔
مرکزی ٹیم نے پہلے پاٹوکنو گاؤں کا دورہ کیا اور پانی میں ڈوبی ہوئی دھان کی فصلوں کا جائزہ لیا۔ اس کے بعد یہ ٹیم رامناتھ پورم گئی جہاں انہوں نے دھان، کیلے اور گنے کی فصلوں کو ہونے والے نقصانات کا جائزہ لیا۔ متاثرہ علاقوں کے کاشتکاروں نے مرکزی ٹیم ممبروں کے سامنے اپنی بات رکھی اور جلد از جلد معاوضے کا مطالبہ کیا۔
اس کے بعد یہ ٹیم سنڈیپوڈوپم جائے گئی جہاں طوفان کی وجہ سے زراعت کے شعبے کو شدید نقصان اٹھانا پڑا ہے۔ تمل ناڈو کے کڈلور روانہ ہونے سے پہلے ٹیم ممبران ماہی گیری کی صنعت کو ہونے والے نقصان کا بھی جائزہ لیں گے۔
اس دوران پڈوچیری ڈیولپمنٹ کمشنر انبارسو اور ڈسٹرکٹ مجسٹریٹ اپوروا گرگ بھی مرکزی ٹیم کے ہمراہ تھے۔
پڈوچیری کے وزیر اعلی وی نارائن سامی نے 820 ہیکٹر دھان کی فصل، 200 ہیکٹر سبزیاں، 170 ہیکٹر میں گنا، اور 55 ہیکٹر میں کیلے کی فصلوں کے نقصان کا جائزہ لینے کے بعد مرکز سے400 کروڑ روپے کے ریلیف پیکیج کا مطالبہ کیا ہے۔
