بی جے پی صدر جے پی نڈا نے جمعرات کو وشاکھاپٹنم میں گیس لیکیج سانحے پر گہرے رنج و غم کا اظہار کیا اور پارٹی کارکنوں سے کہا کہ وہ متاثرین کو ہر ممکن مدد فراہم کریں۔
بی جے پی صدر نے ٹویٹ کرتے ہوئے لکھا کہ
''وشاکھاپٹنم میں گیس کے اندوہناک رساؤ کے بارے میں سن کر بہت تکلیف ہوئی۔ جاں بحق افراد کے لواحقین سے گہرے رنج و غم کا اظہارکرتا ہوں، میں تمام لوگوں کی بہتر صحت کے لئے دعا گو ہوں۔ میں پارٹی کارکنوں سے گزارش کرتا ہوں کہ وہ انتظامیہ کے ساتھ ہم آہنگی رکھتے ہوئے اور تمام پروٹوکال پر عمل کرتے ہوئے ہر ممکن مدد فراہم کریں۔''
جمعرات کی علی الصبح آندھرا پردیش کے وشاکھاپٹنم میں کیمیائی پلانٹ میں گیس کے اخراج کے بعد گیارہ افراد کی موت ہو چکی ہے جبکہ سو سے زائد افراد اسپتال میں داخل کرائے گئے ہیں۔
