عام آدمی پارٹی کے سینئر لیڈر سسودیا نے سنیچر کو پنجاب دورے کے دوران جالندھر میں صحافیوں سے کہا کہ جس طرح کیپٹن کا روزگار کارڈ فریب تھا ویسا ہی فریب چننی حکومت دوبارہ پنجاب کے عوام کے ساتھ کررہی ہے۔ انہوں نے کہا کہ مرلہ زمین کی اسکیم 1961 میں شروع کی گئی تھی لیکن آج تک نہ تو کانگریس حکومت نے اور نہ ہی پنجاب کی کسی دوسری حکومت نے اس پر عمل کیا ہے اور نہ ہی کسی بھی شخص کو اس اسکیم کے تحت زمین ملی ہے۔ اب بھی چننی حکومت لوگوں کو زمین نہیں دے رہی ہے بلکہ زمیں دینے کے وعدے کا کاغذ دیکر پنجاب کے عوام کو جھانسہ دے رہی ہے۔
سسودیا نے کہا کہ 2017 کے اسمبلی انتخابات سے تین مہینے پہلے کانگریس نے پنجاب کے نوجوانوں کو جھانسہ دیتے ہویے روزگار کارڈ تقسیم کیے تھے اور کیپٹن امریندر نے وعدہ کیا تھا کہ اگر حکومت اقتدار میں آئی تو روزگار کارڈ رکھنے والے تمام لوگوں کو روزگار دیں گے ورنہ روزگار بھتہ دیں گے لیکن کانگریس حکومت نے 4.5 سال اقتدار میں رہنے کے باوجود نوجوانوں کو نہ تو روزگار دیا ہے اور نہ ہی روزگار الاؤنس دیا ہے۔ کانگریس اور کیپٹن صاحب اپنے تمام وعدے بھول گئے اور پنجاب کے لوگوں کو جھانسہ دیا۔
یہ بھی پڑھیں:
بھارت بھی شرپسندوں کی نکیل کسے تاکہ بنگلہ دیش میں ہندوؤں کو مشکلات کا سامنا نہ کرنا پڑے: شیخ حسینہ
انہوں نے ہفتہ کے روز اپنے پنجاب دورے کے دوران امرتسر میں شریوالمیکی یرتھ مقام، شری رام تیرتھ دھام میں پنجاب کی خوشحال اور امن کے لیے دعا کی۔ انہوں نے پنجاب کی خوشحالی اور ترقی کے ساتھ ساتھ مشترکہ بھائی چارے کو برقرار رکھنے کے لیے دعا کی۔ انہوں نے کہا کہ بھگوان والمیکی کے آشیرواد سے اس بار پنجاب میں عام آدمی پارٹی کی حکومت بنے گی اور وہ مل کر ایک خوشحال پنجاب کی تعمیر شروع کریں گے۔
